لیاری کراچی سے تعلق رکھنے والا 17 سالہ نوجوان حب چوکی کے قریب سے جبری لاپتہ
کراچی کے علاقے لیاری سے تعلق رکھنے والا 17 سالہ نوجوان محمد حسین ولد علی محمد حب چوکی، بلوچستان سے کراچی واپس آ رہا تھا کہ راستے میں حب چوکی کے قریب مبینہ طور پر پاکستانی فورسز نے اسے مسافر بس سے زبردستی اتار لیا۔
اس واقعے کے بعد سے محمد حسین جبری طور پر لاپتہ ہے اور تاحال اس کے بارے میں کوئی اطلاع سامنے نہیں آ سکی۔لواحقین کے مطابق محمد حسین کا مستقل پتہ کراچی کے علاقے لیاری میں ہے۔مستقل پتہ: شہر کراچی، علاقہ لیاری، ایریا کڈوی لین، گلی نمبر 17، مکان نمبر 19۔اہلِ خانہ نے محمد حسین کی جبری گمشدگی پر شدید
تشویش کا اظہار کرتے ہوئے انسانی حقوق کی تنظیموں، سول سوسائٹی اور متعلقہ اداروں سے مطالبہ کیا ہے کہ کم عمر نوجوان کو فوری طور پر بازیاب کرایا جائے اور واقعے کی شفاف تحقیقات کی جائیں۔
