بولان بارودی مواد کے دھماکے میں دو بچوں اور ایک نو عمر لڑکی جاں بحق
بولان کی تحصیل سنی میں ایک دل خراش واقعہ پیش آیا، جہاں عبدالحئی جتوئی نامی شخص کے گھر میں نامعلوم افراد کی جانب سے دو روز قبل بچھایا گیا بارودی مواد اچانک پھٹ گیا۔
دھماکے کے نتیجے میں دو بچوں سمیت ایک نو عمر لڑکی موقع پر ہی جاں بحق ہوگئے۔ جاں بحق ہونے والوں میں ندیم احمد، سونا خان اور بی بی بختاور شامل ہیں جن کی عمریں تقریباً 13 سے 14 سال بتائی جاتی ہیں۔
دھماکے میں مزید تین افراد زخمی بھی ہوئے جنہیں فوری طور پر مقامی ہسپتال منتقل کیا گیا۔
واقعے کی تصدیق قائم مقام ایس پی کچھی جان محمد کھوسہ نے کی ہے۔
