جبری گمشدگیوں کے خلاف وی بی ایم پی کے احتجاج کو آج 6006 واں دن مکمل ہوگئے۔
بلوچستان میں جبری گمشدگیوں کے خلاف وائس فار بلوچ مسنگ پرسنز کے قائم احتجاجی کیمپ تنظیم کے چیرمین نصراللہ بلوچ کی قیادت میں کوئٹہ پریس کلب کے سامنے 6006 ویں روز جاری رہا۔
مختلف مکاتب فکر سے تعلق رکھنے والے افراد نے احتجاجی کیمپ کا دورہ کیا اور اظہار یکجہتی کی۔
وائس فار بلوچ مسنگ پرسنز کے چیرمین نصراللہ بلوچ نے اپنے جاری کردہ بیان میں کہا کہ لاپتہ افراد کے اہل خانہ اپنے لاپتہ پیاروں کی تفصیلات تنظیم کو فراہم کریں، جب تک لاپتہ افراد کے اہل خانہ ثبوت کے ساتھ سامنے نہیں آتے۔
اس وقت تک تنظیم کیس پر قانونی کارروائی کا مطالبہ نہیں کر سکتی، نہ ہی ملکی اور بین الاقوامی ادارے اس کیس کو اندراج کرتے ہیں، یعنی خاندان کے بغیر کیس کی کوئی قانونی حیثیت نہیں۔
لاپتہ افراد کی بازیابی اور لاپتہ افراد کا مسئلہ حل کرنے کے لیے ضروری ہے کہ لواحقین شواہد کے ساتھ سامنے آئیں اور اپنا فرض ادا کریں۔
نصراللہ بلوچ نے سیاسی جماعتوں اور طلبہ تنظیموں سے بھی کہا کہ وہ انسانی ہمدردی کی بنیاد پر لاپتہ افراد کا معاملہ اٹھائیں اور لاپتہ افراد کے اہل خانہ کو ثبوتوں کے ساتھ سامنے لانے میں اپنا کردار ادا کریں۔
