39th Death anniversary of the martyrs

ڪراچي پريس ڪلب اڳيان جيئي سنڌ فريڊم موومينٽ جي طرفان 17 آڪٽومبر ٽوڙھي ڦاٽڪ جي شھيدن جي 39ھين ورسي جي موقعي تي تصويرن اڳيان ڏيئا ٻاري گل نڇاور ڪندي ڀيٽا پيش ڪئي وئي.

چيئرمين جيئي سنڌ فريڊم موومينٽ سھيل ابڙو جو چوڻ ھو تي ٽوڙھي ڦاٽڪ جي شھيدن پنھنجي رت جا نظرانا ڏئي سنڌي قوم کي اتساھ ڏنو.وڌيڪ چوڻ ھو تہ 17آڪٽومبر 1984 تي سيڪورٽي فورسز ھٿان شھيد ڪيل سنڌي شاگردن ذڪريا ميمڻ، امان الله وسطڙو، مٺو بليدي، انور عباسي، مالڪ خشڪ کي ورسي موقعي تي ڪراچي پريس ڪلب اڳيان شھيدن جي تصويرن اڳيان ڏيئا ٻاري گل نڇاور ڪري زبردست ڀيٽا پيش ڪئي وئي.

ان موقعي تي ميڊيا سان ڳالھائيندي ماروي سنڌي جو چوڻ ھو ته اھو ڏينھن سنڌ لاء ڪربلا جي واقعي کان گھٽ نه ھو جنھن ڏينھن ڄامشورو جي يونيورسٽي ۾ پڙھندڙ سنڌي شاگردن کي لاڙڪاڻي يونيورسٽي ويندي ٽوڙھي ڦاٽڪ وٽ روڪيو ويو ۽ ان ۾ پنج سنڌ ڌرتي جي جوانن جا سينا گولين سان پروڻ ڪيا ويا ۽ 50کان وڌيڪ زخمي توڙي ھڪ سئو 18ڄڻن کي گرفتار ڪيو ويو
۽ سنڌين مٿان سرڪار ايتري تہ ناراض ھئي جو اھڙي سنگين مسئلي تي احتجاج ڪندڙن کي به پوري سنڌ ۾ گرفتار توڙي گوليون هلايون ويون جنھن ڪري ھڪ نوجوان لاڙڪاڻي ۾ به شھيد ٿيو.

ٻئي پاسي جيئي سنڌ فريڊم موومينٽ جي مرڪزي چيئرمين سھيل ابڙو، وائس چيئرمين زبير سنڌ قائمقام جنرل سيڪريٽري امر آزادي، سوڍو سنڌي, حفيظ ديشي, پرھ سنڌو پنھنجي گڏيل بيان جاري ڪندي چيو تھ ٽوڙھي ڦاٽڪ واري واقعي جي مذمت ڪندي پاڪستاني ملٽري فورس جي ڪاري قانون کي رد ڪندي چيو ته ملڪي قانون جون اذيتون،سختيون ۽ گوليون سنڌين مٿان استعمال پيون ٿين جنھن ڪري سنڌي نوجوان اڄ تائين ملڪي ادارن مٿان اعتماد نه پيا ڪن,ھنن وڌيڪ چيو ته اسان سنڌي قوم کي ھڪ پليٽ فارم تي گڏجي ظالمن سان مقابلو ڪرڻ گھرجي
مرڪزي قيادت وڌيڪ چيو ته 17 اڪٽومبر تي به سنڌين جي گھرن ۾ سرڪار نوجوانن جا لاشا موڪليا ء اڄ به اھا سختي واري روايت برقرار آھي

ھنن وڌيڪ چيو تہ گذريل مھيني ماڙي جلباڻي سڪرنڊ واقعي ۾ به اھي ئي سيڪورٽي ادارا ھئا جن سنڌين کي ڪمزور سمجھي سندن گھرن تي چڙھائي ڪري چار لاش ڏنا ويا ۽ ڪيترن کي زخمي ڪيو ويو،

ٻئي پاسي ڪورنگي ۾ به جسفم ڪارڪنن ٽوڙھي ڦاٽڪ جي شھيدن کي ڀيٽا ڏيندي سندن جي فوٽو اڳھيان ڏيئا ٻاري گلن جون پتيون نڇاور ڪيون ويون
۽ ڪارڪنن اڄ به شھيد شاگردن امان الله وسطڙو،مالڪ خشڪ، انور عباسي،مٺو بليدي، ذڪريا ميمڻ جي ڏنل واٽ تي ھلڻ جو وچن پڻ ورجايو.