پنجگور فائرنگ سے دو افراد ہلاک، خاران جنگل روڈ پر مسلح افراد کی ناکہ بندی
پنجگور: شاپاتان میں موٹر سائیکل سوار نامعلوم افراد کی فائرنگ سے دو افراد، ظفر ولد استاد محمد علی اور نعیم ولد حاجی اعظم ہلاک ہوگئے۔ پولیس کے مطابق واقعے کے محرکات تاحال معلوم نہیں ہوسکے اور تحقیقات جاری ہیں۔
دوسری جانب خاران جنگل روڈ پر بڈو پل کے قریب نامعلوم مسلح افراد نے ناکہ بندی کرکے سنیپ چیکنگ کی۔ ذرائع کے مطابق مسلح افراد نے متعدد گاڑیوں کو روک کر تلاشی لی، تاہم کسی جانی نقصان کی اطلاع نہیں ملی۔
