پنجگور اور مند سے دو افراد پاکستانی فورسز کے ہاتھوں حراست بعد لاپتہ
پنجگور کے علاقے وشبود سے پاکستانی فورسز نے الیاس ولد حاجی غلام حسین کو حراست میں لیاعینی شاہدین اور اہلِ خانہ کا کہنا ہے کہ الیاس کو پنجگور کے علاقے چیدگی سے پاکستانی فورسز نے حراست میں لیا۔
لواحقین کے مطابق حراست کے بعد الیاس کو نامعلوم مقام پر منتقل کیا گیا، تاہم کئی دن گزرنے کے باوجود ان کے بارے میں کوئی اطلاع فراہم نہیں کی گئی۔
دوسری جانب مند، کوہ پشت میں رات گئے ایک چھاپے کے دوران عمر ولد لیاقت گہرام کو ان کے گھر سے حراست میں لیا گیا۔ اہلِ خانہ کا کہنا ہے کہ سکیورٹی اہلکاروں نے گھر کی تلاشی کے بعد عمر کو اپنے ساتھ لے جایا، جس کے بعد سے وہ لاپتہ ہیں۔
بلوچستان میں جبری گمشدگیوں کا مسئلہ ایک طویل عرصے سے جاری ہے۔ انسانی حقوق کی تنظیموں کے مطابق بلوچستان میں ہزاروں افراد پاکستانی فورسز کے تحویل میں ہیں۔
