خضدار 12 سال سے لاپتہ والد کے بازیابی کیلئے احتجاج کرنے والا بیٹا بھی جبری طور پر لاپتہ
خضدار: اطلاعات کے مطابق، گذشتہ ماہ 30 اکتوبر کو حکومتی حمایت یافتہ گروہ ڈیتھ اسکواڈ نے بسیمہ سے خضدار نال کے رہائشی محمد عارف کو اغوا کرلیا۔
واضح رہے کہ محمد عارف 12 سال قبل پاکستانی فورسز کے ہاتھوں جبری گمشدگی کا شکار ہونے والے ذاکر اسماعیل کے بیٹے ہیں۔
محمد اسماعیل 11 فروری 2013 کو جبری گمشدگی کا نشانہ بنے تھے۔محمد عارف اپنے والد سمیت دیگر لاپتہ افراد کی بازیابی کے لیے احتجاجی مظاہروں اور دھرنوں میں شرکت کرتے رہے ہیں، ان کے لواحقین کے مطابق والد کے بعد بیٹا گھر کا واحد سہارا تھا جسے جبری گمشدگی کا نشانہ بنایا گیا۔
جبری گمشدگی کا نشانہ بنے محمد عارف کے لواحقین نے کہا ہے کہ ہم انسانی حقوق کی تنظیموں اور نال کی تمام باشعور عوام سے اپیل کرتے ہیں کہ وہ عارف بلوچ کے لیے اپنی آواز بلند کریں اور اس ظلم کے خلاف یکجہتی دکھائیں۔
